இது சட்டப்பேரவை செயலகத்தில் பணி புரியும் ஒரு கடைநிலை தீவிர திமுகவின் விசுவாசியின் வேதனை பதிவு. கலைஞர் அவர்களின் பொற்கரங்களால் சட்டமன்றப் பேரவையில் அலுவலக ஊழியராக 2010 யில் ஆணை வாங்கி வேலை செய்து கொண்டிருக்கும் போது 2011ல் ஏற்பட்ட ஆட்சி மாற்றத்தினால் வேலையில் இருந்து தூக்கப்பட்டோம்.

மேலும் கலைஞர் அவர்களின் வழிகாட்டுதலின்படி உயர்நீதிமன்றத்தில் வழக்கை தொடர்ந்து அதில் எங்களைப் போடும் வரை வேறு யாரையும் அந்த இடத்தில் போட கூடாது என இடை நிறுத்த உத்தரவை பெற்றோம்(stay order ).

பத்து வருடங்களாக எங்கள் யாரையும் சட்டமன்ற செயலகத்திற்குள் அனுமதிக்கவில்லை மேலும் இவ்வழக்கான நிலுவையிலேயே இருந்தது இதற்கிடையில் தமிழக முதல்வர் திரு ஸ்டாலின் அவர்களின் பெரும் முயற்சியால் மறுபடியும் சட்டமன்ற பேரவையில் வேலைக்கு அமர்த்தபட்டோம். மேலும் எங்கள் வழக்கு ஆனது மாண்புமிகு சபாநாயகர் மற்றும் சட்டப்பேரவை செயலாளர் திரு சீனிவாசன் ஆகிய இருவரும் இதற்கு முன் அதிமுக ஆட்சியில் கொடுக்கப்பட்டது போல் அனைத்து சலுகைகளையும் தருகிறோம் என்ற வாக்குறுதியின் படி எங்கள் வழக்கை வாபஸ் பெற்றோம்.

ஆனால் நமது ஆட்சி பொறுப்பேற்று வெற்றிகரமாக மூன்றாண்டுக்கு மேல் ஆகியும் பணி வரன்முறை சம்பந்தமாக எந்த ஒரு நடவடிக்கையும் எடுப்பதாக தெரியவில்லை . மேலும் இதைப்பற்றி சட்டமன்ற பேரவை செயலாளர் அவர்களிடம் கேட்டதற்கு உங்கள் கோப்னது கண்டிப்பாக விரைந்து முடிக்கப்படும் என்ற வாக்குறுதியை மட்டுமே கொடுத்து கொண்டு இருந்தார். மேலும் அவரின் வாக்குறுதியை நம்பி இத்தனை நாள் பொறுமையாக இருந்தோம். ஆனால் மூன்று வருடங்களுக்குப் பிறகு தற்போது வழக்கை வாபஸ் பெற்றது தவறு என்றும் சென்னை உயர்நீதி மன்றத்தில் வழக்கைத் தொடர்ந்து அதற்கான ஆணையை பெற்று வருமாறு நிர்பந்திக்கிறார். மாண்புமிகு சபாநாயகர் அவர்கள் இதில் தலையிட்டு விரைந்து அனைவருக்கும் பழைய
முன் நிகழ்வின் அடிப்படையில் அவர்கள் வேண்டிய சலுகையை செய்து தருமாறு பலமுறை அறிவுறுத்தியும் அதற்குண்டான எந்த ஒரு முயற்சியும் செய்யாமல் தன்னுடைய மேஜையிலேயே பல மாதங்கள் வைத்துக்கொண்டு எங்களை அலைக்கழித்துக் கொண்டிருக்கிறார்.
.
இதில் முக்கியமான விஷயம் என்னவென்றால் இச்செய்தி தற்போதைய துணை முதல்வர் திரு உதயநிதி ஸ்டாலின் அவர்களின் கவனத்திற்கு சென்று அவரும் எங்களுக்கு அனைத்து சலுகைகளும் கூடிய பணிவரன் முறை செய்து தருமாறு உத்தரவு இட்டும் அதன் மேல் எந்த ஒரு நடவடிக்கையும் எடுக்காமல் இருப்பது மிகுந்த வேதனையாக உள்ளது